|
 |
 |
 |
|
رقم المشاركة : ( 1 )
07 - 06 - 2025, 10:39 AM
|
|||||||||||
|
|||||||||||
|
بعد ١٣ سنه ربنا يصنع المستحيل مع سيده ارمله انهارده الصبح قبل ما اروح الشغل قولت اروح اصلى واولع شمعه ، قابلت هناك ست لابسه اسود كل يوم بقابلها فى نفس ميعاد الشغل واقفه تصلى ومولعه شمعه .. انا لاقيت الكانتين قافل ومش عارف اجيب منين شمعه ، لاقيت الست قالتلى عاوز شمعه ؟ قولتلها ياريت ، لاقيتها فتحت شنطتها وطلعت كيس مليان شمع .. انا لما لاقيتها معاها كيس شمع كبير قولت يمكن بتبيعه فسالتها بكام الواحده .؟ ابتسمت وقالتلى انا ليا ١٥ سنه كل يوم باجى هنا الصبح وبولع شمعه .. قولتلها حلو دى حاجه حلوه طبعا وايمان قوى .. قالتلى انا جوزى كان فى الكويت واتوفى هناك وبكل فلوسه اشتريت حتة ارض وبنيت بيها بيت ، وبعد ما البيت خلص لاقيت ناس دخلو عليا معاهم عقود وقالو دى ارضنا وانتى اتنصب عليكى وبينا وبينك المحاكم ، للاسف جابو اوراق مزوره تثبت ملكيتهم للبيت والمحكمه حكمتلهم .. واترميت فى الشارع انا وابنى وبنتى ، روحت اشتغلت داده فى مدرسه وسكنت فى اوضه دور ارضى ، ومن ساعتها وانا باجى كل يوم اولع شمعه واصلى واقول يارب ارفع الظلم لمده ١٣ سنه لغايه من سنتين حصل اللى مستحيل يحصل .. ابن الراجل اللى زور الورق واخد البيت راح قدم ورق يثبت ان ابوه زور وان البيت ملكى ، معرفش بقى خلاف مع ابوه ولا ايه لكن حاجه مستحيل كنت اتوقعها ابدا لكن ربنا فوق كل شىء فعلا .. وحقى رجع ومن ساعتها بقيت كل يوم اجى اوزع شمع لاى حد جاى يصلى واحكيله حكايتى 😍😍 ربنا بيسمع صلاتنا وبيستجيب بطريقه ماحدش يتوقعها ابدا ... 
|
 |
|
العرض العادي
