|
 |
 |
 |
|
رقم المشاركة : ( 1 )
10 - 05 - 2025, 09:26 PM
|
|||||||||||
|
|||||||||||
 يا رب... أنا جاي لك زي ما أنا... مش بعرف أصلي، ولا عارف أتكلم معاك، الخطايا كبّلتني، دماغي شغّالة مش سايباني، قلبي تعبان، ونفسي مش قادرة تسامح نفسها. حاسس إني بعيد، وحاسس إني مش نافع، مش عارف أفرح، ولا أهدى، ولا أتوب حتى، لكن جوّه قلبي صرخة بتقولك: "تُبني فأتوب، لأنك أنت الرب إلهي." (إرميا 31:18) أنا خايف… خايف أتكشف، خايف تتفضح خطاياي، بس كمان مصدّق إنك إله الستر والرحمة، زي ما قلت: "لا أشاء موت الخاطئ، بل أن يرجع ويحيا." (حزقيال 18:23) خبّيني في حضنك، استر عليّ، وقول كلمتك اللي تحييني: "مغفورة لك خطاياك، إيمانك خلّصك، اذهب بسلام." (لوقا 7:48،50) أنا مش جاي أقدم لك حاجة… أنا جاي أطلبك… جاي أستسلم لحبك. ارحمني يا يسوع… وابدأ من جديد معايا. 
|
العرض العادي
