|
 |
 |
 |
|
رقم المشاركة : ( 1 )
01 - 05 - 2025, 08:37 PM
|
|||||||||||
|
|||||||||||
 بالمنطق البشري… إحنا أضعف من مقاومة حاجات كتير. الجسد أوقات بيغلبنا، الشهوات بتشدنا، والمغريات حوالينا أقوى من قدرتنا على الصمود. العالم كبير… وضغوطه أكتر من قوانا المحدودة. لكن الصليب والقيامة قلبوا الموازين. لما يسوع قام منتصر على الموت، ماكانش بس بينتصر لنفسه… كان بيكتب بداية جديدة لينا إحنا. بداية لحياة الغلبة اللي مش معتمدة علينا، لكن مرتبطة بنصرته هو! صرنا شركاء في النصرة دي… مش بنحارب عشان ننتصر، إحنا بنحارب من نصرة هو حققها. لما تغلبك نفسك، افتكر: قوة القيامة جواك. لما يغريك العالم، افتكر: اللي غلب الموت، ساكن فيك. لما تحس إنك وقعت، افتكر: القيامة مش حدث فات… القيامة حياة ماشية جواك كل يوم💜💜 “وَلكِنْ شُكْرًا للهِ الَّذِي يَقُودُنَا فِي مَوْكِبِ نُصْرَتِهِ فِي الْمَسِيحِ كُلَّ حِينٍ” (٢ كورنثوس ٢: ١٤). القيامة مش بس انتصار على الموت… القيامة انتصار على كل حاجة كانت بتحاول تموتنا وإحنا عايشين. 
|
|
العرض الشجري