إله الفرصة التانية ✨🕊️

[walaa farouk]

لما بنبدأ صوم يونان
..مش بس بنتأمل في قصة النبي اللي هرب
..لكن بنرفع عينينا ونشوف ربنا الحنين
اللي دايمًا بيسعى ورا الإنسان بمحبة مابيملش..

✝️ ربنا اللي بيدوّر علينا:
يونان كان بيهرب..بس ربنا ما سبهوش..
هو الإله اللي ما بيزهقش مننا..ودايمًا بيدينا فرصة نرجعله مهما بعدنا..

✝️ ربنا اللي بيشتغل في كل حاجة:
من العاصفة لبطن الحوت..ومن توبة أهل نينوى لليقطينة اللي نشفت..
ربنا كان بيستخدم كل حاجة علشان يعلم يونان معنى رحمته الحقيقية..

✝️ ربنا اللي قلبه مليان رحمة:
يونان كان شايف إن نينوى تستاهل العقاب..لكن ربنا كان شايف إنهم محتاجين فرصة جديدة..لأنه مش إله قسوة..بل إله رحمة
..ودايمًا فاتح حضنه لكل اللي راجعين..

صوم يونان مش بس عن النبي.
.لكنه عن إله المحبة اللي ما بيسيبش حد يضيع..