تعرف على بعض من اعداء طيورك

[Marina Greiss]

مــع التــعــمــق فــي تــربـــيــة طــيـــور الزيـــنـــة وطـــول فـــترة تــربــيــة الطـــيــور

بــتـــقــابـــل المــربي مــشــاكــل فــي التــربــيــة

ومــنـــها إلحــنــتكــلم فــيه النهــارده

وهـــي مشـــكــلة ان احــنــا عشان امكــانيتـنا متــواضعــه بنربي سواء في بلكونه او غرفه صغيره في السطح ليس بهــا امكانيات

وده بــيــخــلي طــيـــورنـا عــرضــه لخـــطر الموت في النــهار والليل

فــي النهار صقــــور وغربــان وجوارح اخري وفي اليل قــوارض( فئــران وابـــن عــرس )

شــخــصــيا ليــا تـــجارب أليمه سواء مع الصقور او القوارض

اولاً الصــقـــور مــحدش بيتصور ان الصقور بتعيش في اماكن العمران او المباني انا نافسي مكتش مصدق لحد ماشفتو في
البلكونة وده بيكون صقر بلدي زيو زي الغراب او الحدايه...

الصقر بيجي للعصافير عن طريق النظر نظرو حاد جدا وبياكل الجسم ويسب الراس

ودي صور لصقر بيحاول يشوف اي ثغره يدخل منها للعصافير


بالنسبه ليا جربت معاه كل حاجه عصــفــور ميت وفيه سم ماجاش جمبو حتة لحمه ماجاش جمبها حاولت اخوفو كان بيروح وبيجي تاني خيال مئاته ماخفش منو برده اكتر حاجه بعدتو عني نهائياً ستارة للبلكونة عشان مبقاش بيشوفهم

اما بالنسبة للفئران فهيا عدو زباله وبدل اكلت عصفور من عندك مش حاترتاح منو غير لما تجيب جزمة مقاس 48 وتديلو بيها
بس عموما مش حاينفع عشان العبد لله شخصيا بخاف منهم ومقدرش ادخل البلكونة وهو فيها اساساً ومره جبت لواحد لزق وحتيطو على خشبه الجميل مسك فيها بس كان شكلو بريء اوووي صعب عليا اي اموتو صراحه...!!!!!
عشان كده احسن حل ليهم سم فيران بس يتحط على حاجه فيها زفاره راس سمكه مثلاً حاتجيبو هواااا

اما العرسه دي حكايه فهيا مش بتاكل العصفور خالص دي بتمسكو وتمص دمو بس مش اكثر


دول اكتر اعداء ممكن تقابلهم فتكاً بالعصافير خلال مشوار تربيتك للعصافير
ودي بعض النصائح ياريت تتباعوها

خلي النظافه عنوان لتربيتك للطيور بواقي الاكل بتجيب معظم الحشرات والقوراض
دايما عشان تبعد عنك القوارض رش فلفل اسود في البلكونه رحتو القوية حاتغطي على ريحت العصافير وحاتبعد القوارض
حوط القفص بتاع عصافير بسلك شباك مافيش حاجه حاتقدر تلمسهم

[بنت معلم الاجيال]

شكرا ربنا يعوض تعب محبتك

[Marina Greiss]

ميرسى يامرمر على مرورك الجميل