|
 |
 |
 |
|
رقم المشاركة : ( 1 )
24 - 07 - 2022, 10:20 AM
|
|||||||||||
|
|||||||||||
 في يوم بتصحى فيه..القهوة مظبوطة ..ورميت ورقة جت فى الباسكت من بعيد .. وجالك رسالة من حد بتفكر فيه. .غريبة مع انها عمرها ما كلمتك قبل كدة ... واليوم فجأة بقي يوم حلو ..محصلش حاجة ..مكسبتش حاجة ..منجحتش في حاجة كبيرة .. .بس الفلاشة دخلت من اول مرة ..والسندوتش خلص مع كوباية القهوة..ربنا موجود فى التفاصيل مش بس الحاجة الكبيرة. اليوم مش بيحصل فيه حاجة كبيرة ..اليوم متطرز حلو والخياطة مش باينة ..بس انت سايق ..بتلحق الموبايل قبل ما يقع ..عشان بس سامع..هادى ..متأمل ..فا مركز ..معاك فكة بالظبط اد اللى محتاجها للست الغلبانة..كويس ان معايا فكة ..ربنا موجود فى التفاصيل ...مش بس الحاجة الكبيرة ..حاسب العربية دى ..ايه ده؟ ده مصطفى؟ انت اللى كنت هتدوسنى مشوفتكش من عشر سنين الدنيا غريبة... ربنا موجود فى التفاصيل مش بس فى الحاجات الكبيرة ...لقيت ركنة ..لقيت كرسى ..لقيت تذكرة ..لقيت فكرة ...لقيت؟ ..ولا مبعوتة؟ ولا مقصودة؟ عشان تفتكر ..ربنا فى التفاصيل مش في الحاجات الكبيرة. لو كنت اتأخرت دقيقة... كان الحلة اتحرقت ..والتاكس فاتنى ...ومتقابلناش ..ومحبتكيش ..ومخلفناش..تخيل ..دقيقة واحدة؟ ده كأنها مكتوبة ....كأنها معزوفة. هي مزيكا لو سامع من غير دوشة .. عايز تشوفه ..بطل تدور علي علامات كبيرة واهدي ..وركز مع المزيكا 
|
| أدوات الموضوع | |
| انواع عرض الموضوع | |
|
العرض الشجري