مفيش حاجة مستحيلة طول ما انت ف حضنه

[Mary Naeem]

+ الغير مستطاع عند الناس مستطاع عند الله +
+ربنا بتاع الحاجات المستحيلة +
+ الحلول الغير منطقية +
فى وقت تعبك هيحل مشاكلك بطريقة لا يمكن أن تتخيلها ..
+ تقوله يارب قدامى بحر ؟! ..
... يقولك هيتشق ..
+ تقوله انا فى الصحرا لوحدى..
... يقولك هبعتلك أكل مع غراب ..
+ تقوله اخواتى رمونى ف البير ..
... يقولك هاخليك وزير ..
+ تقوله جليات واقف قدامى ..
... يقولك نهايته علي ايدك بمقلاع وشوية زلط ..
+ تقوله حياتي بقالها سنين ف جفاف ..
.... يقولك شاور للسحاب هيمطر ..
+ تقوله مش معايا غير 5 خبزات وسمكتين ..
..... يقولك هيكفى وهيفيض
+ تقوله مش عارف اصطاد وسهرت الليل على الفاضى
.... يقولك الخير هيغرق حياتك وهتمشى معايا على المية
+ تقوله انا على أدى ..
.... يقولك لا تخف انا معك ..
+ تقوله مطلوب منى إيه ..
.... يقولك أمن فقط ..
+ تقوله أنا ضعيف ..
..... يقولك ليقل الضعيف بطل أنا

+ طول ما إنت فى حضن ربنا مفيش حاجة مستحيلة طول ما انت ف حضنه و فى مشيئته
تكفيك نعمتي

[بشرى النهيسى]

مشاركه مميزه
الرب يباركك