زوادة اليوم : 15 / 11 / 2019

[souad jaalouk]

زوّادة اليوم:
بيقول أوليفر وندل هولمز:
"الوطن هو المكان الذي نحبّه، فهو المكان الذي قد تغادره أقدامنا لكن قلوبنا تظلّ فيه."
ليش بدنا نفتّش نأمّن حياتنا برّا؟ ليش بدنا نضطَرّ نعيش بلا قلوب؟! ليش بدنا نروح و نترك شقفة مِنّا هون؟ ليش بدنا نودّع ناس منحبّن و نعيش بعيد عنّن؟ ليش كل ما نتلاقى بدنا نبكي و كل ما بدنا نفلّ بدنا نبكي؟ ليش بدنا نعيش متل الغرباء ببلاد ما بتشبهنا بس لأنّو هونيك لقينا ابسط حقوق الإنسان و الإحترام و الإستقرار اللي ما شفناهن ببلدنا؟! ليش وين ما رحنا منلمع و منبدع الّا بأرضنا طاقاتنا مدفونة؟
لبنان اللي انذكر بالكتاب المقدّس، لبنان ارض القدّيسين، هالبلد الزغير قادر يكون كبير و كبير كتير بأهلو! طول ما عين الرب عليه ما تخافو و ما تفِلّو! بس صَلُّوا و وثقوا انّو اللي جايي احلى!! الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

آمين يا رب