شفرة الحب

[walaa farouk]

كود الحب و الاحترام بيطلع منك و يسافر للناس ..

شفرة ما حدش بيكتبها غيرك ، بتكتبها بقلبك الأبيض
و تصرفاتك الراقية ودة لسانك المعطر .
. لكن الممتع أن الناس بتقراها صح ،
و بتفك سرها بأقصي سرعة..
الناس بتحس مين اللي بيحب و بيخدم و بيدي بجد،
من نظرات العين، من الصدق اللي طاير في الهوا من القلب للقلب ؛
سر ما لوش تفسير بيخليك تحب ناس عمرك ما قابلتهم لكن يمكن بس سمعتهم أو شفت صورتهم أو حد كلمك عنهم..

صحيح فيه ناس جهاز الاستقبال بايظ عندهم،
ما بيعجبهمش العجب و لا حتي بيحبوا نفسهم،
يمكن بسبب كتر جروحهم و كسرة قلبهم ،
لكن الحمد لله دول قلة و ندرة ..

لكن الغالبية الكاسحة بتقرا صح الحب ..

خليك انت صح و حلو و جميل، و كل ده ح يوصل للكل ..
صح ؟؟