زوادة اليوم : خبرة حياة

[souad jaalouk]

زوادة اليوم: خبرة حياة

بيخبرو عن بيّ رجِع من الشغل ع البيت، فات ع أوضتو وشاف إبنو الزغير عم بيفَلفِش بوراقو.

سألو البيّ: «شو عم تعمل؟» قلّو: «عم جرّب إقرا مشاريع عملك بس مش عم بقدر إفهم شي». البيّ انبسط لأنّو إبنو إعترف بِيَلّي كان عم يعملو وقلّو: «يا إبني، هيدا مش بس شِغْلي، هيدا مشروع حياتي، وصعب كتير عليك تفهمو، إلا إذا أنا ساعدتك وشرحتلّك عنّو».
الزوّادة بتقلّي وبتقلّك:
«الإنجيل مشروع الله الخلاصي وجوهر حياتو، وصعب كتير علينا نفهمو، إلاّ إذا شرحلنا ياه الآب، بواسطة روحو القدّوس».