|
 |
 |
 |
|
رقم المشاركة : ( 1 )
25 - 10 - 2025, 08:01 AM
|
|||||||||||
|
|||||||||||
 ✝️صحراء الدير العين تشوفها صحرا بس هي الخير كله✝️ صحرا مافيهاش حياه مريحه بس هي الراحه الوحيده لنفسي بابها حديد اتقل بكتير من ابواب بيوت كتير بس بابها خفيف ودايما مفتوحلك فاضيه ومافيش حد بيكلمك بس الوحده جوه الصحرا بمليون لمه جرحتك ووجعتك محدش جواها يعرفك ولا عاشرك ولا عملت معاه اي حاجه بس تحس انهم عارفين قلبك وعارفين مشاعرك اكتر من مليون حد شاف منك كل الخير والحب ولحد انهارده مش عارفك ولا فاهمك ممكن فجاءه تلاقي في الصحرا حد جه جنبك يقولك مالك شكلك تعبان . اكتر من مكان زحمه وكله شايف بعينه تعبك وألمك ومستكتر يقولك كلمه طمني عليك مالك مافيهاش اكل حلو بس اللقمه الناشفه في المكان ده تشبع من مليون لقمه بعدها تلاقي نفسك مكسور يدوبك بس تلمح المكان من بعيد روحك تاخد نفس مُريح احسن من مليون مكان بقيت مش عاوز تقرب من المكان بتاعه من كتر الجروح اللي بتحسها في المكان ده الليل في الصحرا دي مش ضلمه ولا اكتئاب لكن هنا بتيجي الأغاني ( مؤتي الأغاني في الليالي) في الليل هنا مش بحط ايدي علي خدي لكن هنا بيقولولي ( في الليالي ارفعوا ايديكم) النوم في المكان ده ممكن مش مكان مُريح جسديا لكن اقل وقت نوم فيها ولو نص ساعه بمليون ساعه تنامها في مكان من بره مُريح ومن جواه مُتعب المكان انت عارف انه مش مكانك ولا هايبقي مكانك بس المكان ماتحسش بيه بالغُربه أبدا ويبقي بمليون مكان يقولك البيت بيتك وعمره ماتحسه مكانك ( علشان كده مش كل صحرا تبقي فقر ياما صحرا لكن غنيه من جوه وياما أماكن مُريحه من بره بس كلها فقر وتعب من جوه) 
|
 |
| أدوات الموضوع | |
| انواع عرض الموضوع | |
|
العرض العادي
