بلاش تقول مليش حد لأنك عندك يسوع وهو كفاية

[walaa farouk]

في قصة المخلّع، الإنجيل
بيقول إن كان فيه مرضى كتير عند البركة
، بس يسوع اختار شخص واحد وقاله: “أتريد أن تبرأ؟”
ليه اختاره هو؟ يمكن علشان الجملة اللي قالها ببساطة: “ليس لي أحد”.
ماكانش عنده حد يساعده، ولا يسأل عليه، ولا حتى يحس بتعبه.
بس يسوع جاله مخصوص، علشان يقوله:
“أنا مش زي باقي الناس، أنا مش هسيبك،
حتى لو الكل نسي، أنا فاكر”.
هو شايف وجعك، حاسس بتعبك،
وبييجي في اللحظة اللي الكل فيها اختفى.
فبلاش تقول “مليش حد”… لأنك عندك يسوع، وهو كفاية