🧠 التفكير الزايد عدوك الصامت

[walaa farouk]

🧠 التفكير الزايد… عدوك الصامت.
مش دايمًا بيحل حاجة، بس دايمًا بيتعبك.
بيخليك تعيش مواقف ماحصلتش، وتحس بوجع مش حقيقي، وتفقد راحتك وانت في مكانك.
تفضل تحلل وتفكر وتحلل تاني…
لحد ما عقلك يتحول من مكان حكمة، لـ زنزانة تعذيب ذاتي.
💭 تبقى نايم بس عقلك صاحي،
تبقى بتضحك بس جواك ألف سؤال بيزن،
وتفضل تفكر “طب لو حصل كده؟ طب لو قال كده؟ طب لو ما حصلش؟”
واللي بيحصل فعلاً؟
ولا حاجة… غير إنك بتستهلك طاقتك ومشاعرك على حاجات ماحصلتش
، ويمكن عمرها ما هاتحصل !
🌿 نصايح للهروب من فخ التفكير الزايد:
1. غيّر مكانك: قوم امشي، اطلع مكان فيه هوا ونور.
2. اشغل نفسك بحاجة بتحبها: رياضة خفيفة، رسم، سماع موسيقى بتحبها.
3. ركّز على الواقع مش الفرضيات: اسأل نفسك “هو ده حصل فعلاً؟ ولا دماغي بتختلقه؟”
4. تنفّس بعمق… خد بريك من نفسك، وافتكر إنك مش مُجبر ترد على كل فكرة تيجي في بالك.
💬 الهروب من التفكير المفرط مش ضعف،
دي قوة…
قوة إنك تحمي نفسك من غرق ما لوش قاع.