خليك طيب علشان ربنا

[walaa farouk]

الطيبة مش سذاجة… ومش ضعف!
اللي يفتكر إن الطيبة نقطة ضعف، هو اللي مش فاهم الحياة كويس.
الطيبة قرار صعب جدًا… مش لأنك ضعيف، لأ،…
لكن لأنك قررت تبقى نضيف وسط عالم كله بيجرب يكون قاسي أكتر عشان يحمي نفسه.
قررت ما تبقاش نسخة من اللي وجعوك،
تتعامل بأدب… تحترم… تسامح، حتى وإنت موجوع.
تردّ الغلط بصمت… وتتجاهل التجاوز وأنت قادر ترد.
بس اللي مش واخد باله،
إن الطيب مش “غلبان”… ده شخص قوي،
قدر يسيطر على نفسه في وقت الناس كلها بتخسر نفسها علشان تكسب الجدال.
✅ الطيب بيتأذى… آه،
بس جواه حاجة بتقوله: “مش هكون شبههم، حتى لو اتوجعت منهم”.
الطيبة مش بتخلّص، ومش بترخص.
دي نعمة من ربنا، وهدية للقلوب اللي لسه فيها نقاء.
💬 قالوا: “مفيش أوجع من إنك تتعامل بنقاء في عالم
فيه ناس شايفة الطيبة فرصة للاستغلال!”
لكن صدّقني… ربك شايفك،
وكل خير بتزرعه راجعلك، في وقت أنت محتاجه فيه أكتر من أي حد.
🌟 خليك طيب علشانك، مش علشانهم.
خليك طيب علشان ربنا…