🎯 التغيير مش دايمًا بيحصل لما تعرف تعمل إيه

[walaa farouk]

– عامل إيه؟
– الحمد لله كويس..
– مبسوط؟
– ممم…مش عارف في حاجة ناقصاني بس مش عارف أسميها..

الحوار ده بيحصل كل يوم مع ناس كتير حوالينا وأوقات جوانا..
كتير مننا اتعودوا يقولوا "أنا تمام"
علشان الحياة لازم تمشي أو لأنهم مش قادرين
يحددوا أصلًا هم تعبانيين من إيه..
بس لما تسأل نفسك السؤال ده بصوت واطي قبل ما تنام:
"أنا حاسس بإيه؟"
هتبدأ تكتشف حاجات عمرك ما كنت واخد بالك منها:
– إحباط قديم متحلّش
– فراغ داخلي مش قادر تملأه
– شعور بعدم الأهمية برغم إنك بتشتغل وبتنجز

ليه ده مهم؟
لأن التغيير مش بيبدأ لما تحل المشكلة لكن لما تعترف إن فيه مشكلة..

طب إيه الحل؟
خد 10 دقايق من يومك بعيد عن الضوضاء
واسأل نفسك أسئلة بسيطة:
– إيه أكتر حاجة ضايقتني النهاردة؟
– إيه الحاجة اللي حاسس إنها ناقصاني؟
– امتى آخر مرة حسيت براحة حقيقية؟
اكتب حتى لو بكلمات مش مترابطة علشان تبدأ تسمع صوتك..
وماتستعجلش إجابة السؤال..
أوقات مجرد الوعي بيه بيخلّي التغيير يبدأ بهدوء..

🎯 التغيير مش دايمًا بيحصل لما "تعرف تعمل إيه"..
لكن لما تفهم أنت فين وليه مش مرتاح..