|
 |
 |
 |
|
رقم المشاركة : ( 1 )
اليوم, 11:00 AM
|
|||||||||||
|
|||||||||||
|
شريف شاب ٣٥ سنه بيحكى تجربته.. سنة ٢٠١٢ كنت ساكن جنب موقف العربيات ، يادوب انزل من بيتنا ، خمس دقايق مشى اكون فى الموقف .. يوم ٣ من شهر مارس لنفس السنه جه قرار من المحافظ بنقل الموقف من مكانه ويحطوه فى مدخل البلد .. طبعا المسافه مابين بيتى ومدخل البلد عاوزه تقريباً ٤٠ دقيقه يعنى ما يقرب من ساعه مشى .، مش عاوز اقولكم على الصدمه اللى كنت فيها ، بعد ما كانت الناس بتحسدنى على موقع بيتى الجغرافى وقربه من الموقف .. زعلت جداً على اللى حصل ، لان للأسف مافيش حل يريحنى ، وانا ما ينفعش اخد تكتك يومياً عشان اروح به الموقف ، لان ساعتها المرتب اصلا كان ضايع كله على المواصلات ، اقوم مكمل عليه انا بقى وازود همه همين واخد تكتك كمان .. حاولنا انا وصحابى نتفق مع عربيه تعدى علينا واحد واحد كل يوم الصبح او تقفلنا فى مكان قريب من كل واحد فينا ، لكن للأسف كان كل سواق بيطلب رقم فلكى مانقدرش عاى دفعه .. ماكنش فى حل للأسف .. اول يوم بقى صحيت من الساعه خمسه الصبح متكدر وقرفان من كل حاجه ، عشان الحق امشى لغاية الموقف .. وانا فى نص السكه لاقيت نفسى تعبت ومش قادر أخد نفسى وبنهج جامد جداً لأنى مدخن بشراهه ، فى اليوم مايكفنيش علبتين سجاير ، ده غير انى مش متعود أصلا على المشى مسافه طويله بالشكل ده .. المهم فى اليوم ده بعد ما وصلت الشغل، اليوم كله صدرى واجعنى ومش طايق حتى اشم دخان السيجاره، ويادوب شربت كام سجاره كده وخلاص .. مرت الايام وانا على الحال ده كل يوم اصحى بدرى واخدها مشى لغاية الموقف ، لكن فى حاجه غريبه جداً اكتشفتها .. انا بطلت سجاير 😳🤫، بقيت اخاف اشرب سيجاره لحسن اتعب من المشى وانا رايح الشغل ، بطلتها بعد ما كل اللى معايا فقدوا الامل انى ابطلها بعد محاولات كتيره جدا جدا منهم عشان ابطلها.. مش بس كدا ، دانا نفسى طول وصحتى رجعت من تانى ، وحالتى النفسيه بقيت متزنه جداً بسبب المشى كل يوم فى الصبح .. الغريب بقى انى دلوقتى بسأل نفسى ، هو انا ازاى كنت بستحمل دخان السجاير ، بعد ماكنت بقول دانا اموت لو مشربتش سجاير ، ماقدرش اعيش من غيرها .. عزيزى القارىء مافيش حاجه اسمها مستحيل ، كل ما فى الأمر هو انك متعود على حاجه معينه، وعقلك بيوهمك انك مستحيل تقدر تعيش من غيرها.. فوق واصحى قبل فوات الأوان . 
|
|
| قد تكون مهتم بالمواضيع التالية ايضاً |
| الموضوع |
| بعد فوات الأوان |
| إلحق توب قبل فوات الأوان |
| بعد فوات الآوان |
| بعد فوات الأوان |
| بعد فوات الأوان |
العرض الشجري