[walaa farouk]

"المرض النفسي لا يصيب مؤمناً"

المرض النفسي يصيب المؤمن وغير المؤمن..😔
يصيب اللي بيصلي واللي مش بيصلي، واللي بيصوم واللي مش بيصوم.. 😰
ويصيب المسلم والمسيحي واليهودي والبوذي والملحد واللاديني.. 😵
ويصيب النساء والرجال والأطفال.. 🙎‍♂️🙎‍♀️🧒
ويصيب الأبيض والأسود والقوقازي..
والعربي والأوروبي والأمريكي والكندي..
لما نقول إن المرض النفسي لا يصيب المؤمن.. يبقى بنقول للمريض النفسى: "إنت مش مؤمن" أو "إنت مش مؤمن بالدرجة الكافية" أو "إيمانك ناقص".. 🤷‍♀️
لما نقول إن المرض النفسي لا يصيب المؤمن.. يبقى بنقول إن علاج المرض النفسي هو "إنك تبقى مؤمن".. أو "تعيد النظر فى إيمانك".. أو "تقيم شعائر إيمانك بشكل يمنعك من المرض النفسي".. 🙏
ولو المريض طال علاجه.. أو صعبت واستعصت حالته.. أو خف وتعب تاني.. يبقى: "إنت معملتش اللي عليك".. و"فضلت مقصر فى حق ربنا".. و"إبذل مجهود أكتر فى الإيمان والتقرب لربنا".. 🤲
وكلها رسائل تسبب شعور غير مبرر بالذنب والتقصير وعدم الأحقية.. تصيب باليأس والشك.. بالحيرة والتيه.. مما قد يدهور حالة المريض جدًا.. وربما يدفعه اليأس للانتحار.. 💔
المرض النفسي له أساسات عضوية وكيميائية وجينية زى أى مرض جسمانى بالظبط.. زى الضغط والسكر والحمى..
المرض النفسي موصوم بشكل مجتمعي وثقافي بما فيه الكفاية.. 🤦‍♀️
مينفعش نخليه موصوم بشكل ديني كمان.. 🤭
لا تُحمّلوا المرضى النفسيين فوق ما يحتملون..
لا تخذلوا المريض النفسي .. فى نفسه.. 😔
لا تقطعوا الخيط الأخير بين الناس.. وبين ربنا.. 🙏