مسا الخير والسعادة
بمسيكون بالخير أخوتي الأفاضل وأخواتي الفاضلات
أنا قصتي مع الفرح المسيحيّ بلشت السنة الماضية وبالتحديد بنيسان 2017 وحبيت كون من ضمن الأعضاء وخادمة بهالمنتدى المبارك ..
فتشت عليه وقبل كنت ادخل كزايرة وأخرج لأنو كنت بمنتديين وكنت بالإدارة العامة أدخل وفلفش بأقسامو وشي بداخلي يقلي ليش ما بتكوني من خادماتو
اتسجلت وانطرت ... يوم ... يومين ... تلاته ... وطال الانتظار وكل يوم ادخل ولاقي اسمي موجود بس ما فيي شارك بشي ابدااا
طولت بالي قلت يمكن عم يتحروا عني لاني على المام بسياسة المنتديات شوي ...
مرق شهر والتاني ... وما في شي وارسلت كذا رسالة للمنتدى دون جواب
وانا شي بداخلي عم يقلي ما تيأسي وفجأة خطرت ببالي فكرة ونفذتها فوراااا
أختي ولاء فاروق
ما كنت بعرفها ولا هيي صديقة عندي بس كنت شوف اسمها بالمنتدى وقلت الحل عندها أكيد ..
بعتلها رسالة ع الخاص بالاحرى اتطفلت عليها وشرحتلها الوضع كلو
وكان الرد من ولاء بالقبول وتفعيل اسمي بالمنتدى بسرعة ولقيت الترحيب من الكل أخوة وأخوات بحق وحقيقة وهيدا الشي كان بحزيران 2017 ومن وقتها وانا ضمن كوكبة من الأخوة على قد ما احكي وفيض بالحكي بضل مقصرة بحقهون كتير
بشكر الجميع على تشجيعون الكبير الي
استاذ رامز كان الايد اللي رستني لبر الامان
أختي ولاء الفضل الكبير الها
اختي ماري وسما واوفا ورينا ومارينا الكل الكل استاذ مرقس شاعرنا الرقيق
وخينا مينا اللي خصني بصفحة شعريّة مثبتة وسماني الشاعرة وانا عن جد وبكل فخر وجودي بيناتكون نعمة من الله
بطلب من الله وامنا مريم العدرا نضل مجموعين بهالمنادى المبارك اللي هوي بيتنا التاني وكنيستنا المباركة ودايمااا يا رب للمزيد من التألق والإبداع