عرض مشاركة واحدة
قديم 23 - 09 - 2017, 10:44 PM   رقم المشاركة : ( 28 )
walaa farouk Female

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 127,242 [+]

 الأوسمة و جوائز
 بينات الاتصال بالعضو
 اخر مواضيع العضو

walaa farouk غير متواجد حالياً

افتراضي رد: ‬لقاء مع البابا تواضروس الثانى

قداسة البابا تاوضروس
بعد تقبيل الايادى وطلب الصلاة
اسمحلى انى اتنفس مع قداستك بكلمتين
.
.
ارتفاع سعر مسرح الانبا رويس
بالشكل المبالغ فيه دا
الموضوع دا مساوئه اكبر من ان تحتمل
ولازم من اعادة دراسته
.
الموضوع دا تسبب فى تشريد اكتر من ٢٥٠ حفلة سنوياً
كل المسارح الكنسية غلت اسعارها اسوة بالانبا رويس
دا غير البدائل الغير مرضية تماماً
.
دا غير ان الوضع اللى فيه المسرح دلوقتى
لو اتكلمنا بلغة التجارة بيخسر
مين عنده مقدرة يدفع ايجار كدة
احنا كل فين وفين لما بنسمع ان فى حفلة هناك
.
مثال للتوضيح
ماعتقدش ان فيه اكتر من ٢٠ حفلة سنوياً
يعنى لو المسرح ايجاره ١٢٠٠٠ يعنى سنوياً ٢٤٠٠٠٠ جنيه
.
تعالى نتخيل ان الايجار بقى ٤٠٠٠ بس
صدقنى ال ٢٥٠ حفلة هايرجعوا تانى
وساعتها هايبقى الدخل السنوى مليون جنيه
يعنى حتى بلغة التجارة .. الارخص كسبان ٤ اضعاف
.
وماحدش يقول ان كتر الحفلات هايبوظ المعدات
دى ركنتها وعدم شغلها .. هو اللى هايبوظها
دا غير ان الموظفين المسئولين
لو ماقدروش يحافظوا عليها يبقى خسارة فيهم مرتباتهم
.
وارجوك يا سيدنا قولهم
بلاش نغمة اصل المسرح صارف مش عارف كام مليون
قولهم عيب .. دول ولادى .. واحنا بنعملهم احسن حاجة
علشان هما يستاهلوا احسن حاجة
مش علشان نعايرهم ونذلهم بيها
.
انا زمان كنت باقول
انهم مغلين عشان بالبلدى كدة
يقطعوا الرجلين من هناك
وساعتها قلت يقولوا مفيش حفلات هايكون افضل
لكن اسمحلى حتى دى مش من حقهم
اصل ببساطة المسرح دا
مِلك الكل ومش من حق حد يقفله ف وش ولاده
.
ياما شهد على تخرج اجيال واجيال منه
دا غير انه رمز
ومايرضيش قداستك اننا نمحى الرمز
.
النهاردة اقل حفلة بتتكلف مش اقل من ٢٠٠٠٠
ديكور وملابس واكسسوار وموسيقى ومصاريف كورال
دا غير مصاريف حفلة سواء تخرج او استقبال جدد او هدايا
غير ايجار مكان للبروڤات ((( بعد ما الامن لغى البروڤات ف البروجولات والساحات )))
ودا موضوع كارثى كمان .. لأن البدايل محزنة جداً
لما تعرف ممكن ولادك يتعرضوا لايه
ف حين ان ممكن قاعات تتأجر جوة الكاتدرائية
وتبقى حاجة بتجيب دخل برضه .. وولادك قدام عينيك
.
نرجع للمصاريف
.
حتى لو التذكرة ب ٣٠ جنيه مش هاتغطى مصاريفها
وكون ان الحفلة تخسر
دا معناه ان الحفلة الجاية لنفس الاسرة
او الفريق هاتكون بامكانيات اقل
والاقل هايقل ويقل لحد ما يتمحى
.
ما هو مش معقول قداستك تكون بتصلى جوة وتقول
......... نجنا من الغلاء
وعلى بعُد ٢٠٠ متر من المذبح اللى قداستك بتصلى عليه
بيمارسوا الغلاء فى اغلى صوره
.
ختاماً
هاكلم قداستك من الناحية الرعوية الانسانية
وانت بتبص من شباك المقر يومياً وبتلاقى المسرح ضلمة
والكاتدرائية هُص هُص
غير لما تبص وتلاقى المسرح منور وولادك داخلين خارجين
دى اللمة عزوة .. الاب بيستنى لمة ولاده حواليه
.
انا واثق ان كلامنا هايوصلك
وواثق اكتر ان هايكون فى رد فعل يفرح ولادك
لأننا واثقين اننا ولادك .. واكيد قداستك شايفنا سندك
  رد مع اقتباس