ازاي تجذب مخدوم اعدادي للقداس 🙆🙆
اولا لازم تصلي 🙏ان ربنا يساعدك في انك تجذب المخدوم للقداس لان الصلاه عامل مهم في حياه الخادم
ثانيا لازم توضح للمخدوم الاهميه الخلاصيه للقداس وان من غير افخارستيا مش هندخل السماء👌 وده من خلال ادله وبراهين لان السن ده بيحتاج تقنعه بادله وبراهين زي النص المهم جدا دا الموجود في يوحنا 6 او 1كو 11
ثالثا لازم تخلي المخدومين ينتظموا مع معلم الكنيسه في حفظ الالحان عشان يصلوا القداس صح لان هو رحله للسماء ☝
رابعا ممكن تحدد معاهم قداس اسبوعيا تحضروا معاهم غير قداس مدارس احد زي قداس الاربع مثلا 🏫
خامسا ممكن تعملهم مكافأه للملتزمين زي يوم ترفيهي او رحله وده مش غلط بالعكس حاجه تشجع 👏
سادسا طول ماانت بتشرح اي درس او بتتكلم معاهم لازم كلامك تجيب فيه سيره القداس واهميه التناول في حياتنا
سابعا اوعي تياس لو عملت ده كله وفي الاخر ملقتش ثمر او لقيت ثمر قليل ثق تماما هتجني ثمر تعبك في يوم من الايام حتي لو بالتدريج البطئ فاوعي تفكر انك لما تعمل الحاجات دي كلها هتلاقي كل المخدومين انتظموا في حضور القداس