10 - 03 - 2018, 10:59 PM
|
|
|
|
..::| الإدارة العامة |::..
|
|
|
|
|
|
لما غلطت سترت عليك بضهرى وبكيت علشانك بدل الدمع دم
لما انكرتنى مقدرتش اتكلم معاك دموعى اتكلمت كل الكلام والعتاب
لما شكيت فيا جتلك بدمعى وقلتلك تعالى إلمسنى يمكن تحس بجرحى
لما قلت انى مش موجود مديت ايدى اطبطب عليك علشان تحسنى وانت رفعتها عنك
لما سبت بيتى جريت وراك انادى عليك تعالى ارجع وانت سديت الاذن عنى
لما اخترت بينى وبين المال وفضلت المال الرخيص على حبى الغالى بكيت
اديتك الحريه علشان تحبنى برضاك بعتنى واشتريت العالم الفانى بدل المجد الابدى
تركت عرشى ونزلت برضايا اثبتلك حبى.
وعلى صليب اتسمرت علشانك وسبتنى ومشيت وشفتك من بعيد صرخت الآه
سبتلك روحى القدوس وصعدت للسما علشان مش اسيبك يتيم ووحيد
ولسه بتجادل معايا ولسه مش عارف انا مين وعملت علشانك ايه
وكل ما اشوفك هلكان ببكى وامدلك من تانى الأيد
واقولك انا يسوع الحب الحقيقي . سيب الكل وتعال اغنيك واديك كل الحب
محدش هيحبك قدى ولا هيعرف يسعدك زى ولا حد فى الدنيا هيقدرك زى ما انا قدرتك وعرفت قيمتك ووزنك عندى ودفعت علشانك دمى .
انا بحبك . ومستنيك ترجع لحضنى .
|