[Mary Naeem]

لا يوجد حب مثل حب السيد المسيح


عارف إنت ساكن فين
طبعاً ح تقلي عارف وتشاورلي على بيتك في الشارع
الفلاني متفرع من ...!!!
تبقى أكيد مافهمتش
سؤالي مش عنوان بيتك اللي بتنام فيه، لأ عنوان العلاقة اللي بتربطك بربنا!!

اسمع القصة الحقيقية والمؤثرة:

واحد كان مسافر في طيارة وبعد الهبوط وقبل ما تفتح أبوابها، حصلت مشكلة
وولعت نار، وقبل ما توصل المطافي كانت النار بتاكل في الناس، وفجأة صاحبنا
اتذكر آية سمعها في الكنيسة "لانه تعلق بي انجيه.ارفعه لانه عرف اسمي"
والآية اللي بتقول "يسقط عن جانبك الف وربوات عن يمينك.اليك لا يقرب"
ورفع من قلبه صلاة، وقال يارب أنا بصدق كل وعد وكل كلمة إنت قلتها، يا رب
نجيني، وفجأة شاف منقذ وسط النيران اللي بتاكل في الركاب من حواليه، وطلع
من الطيارة وهو ما يعرفش إزاي، وكتبت الجرانين عنه، إن كان الناجي الوحيد
من الطيارة اللي كان عدد ركابها حوالي 285 شخص.
عارف الراجل ده كان ساكن فين والآيتين اللي جابهم جابهم منين
من المزمور 91 وعنوان سكنه في ستر العلي وفي ظل القدير
يا ريت تقرأ المزمور ده معايا وتصلي وتقول يارب أنا عاوز أسكن في حمايتك
وأبيت في ظلك إنت وحدك اللي بتحميني، وبتدافع عني وبظلك بتخبيني... آمين
@لا يوجد حب مثل حب السيد المسيح@