بقلبى ظلمتك
أيوه ياربى بقلبى ظلمتك .. حتى بنظره عينى انا خونتك
بفضل قاسى عامل ناسى .. واقول دى كرامتى وانسى كرامتك
ايوه ياربى نسيت انا حبك .. كل كلامك ليا وصلبك
كنت بعاندك كأنى انا ضدك .. جهلى ويأسى خلونى جرحتك
ايوه ياربى انا كلى خطيه .. لسه هاتوب أعمل معصيه
اول ما سلامك يملك قلبى .. اسمح للعالم يزيد فى متاعبى
ايوه ياربى انا كلى عيوب .. توبنى .لوحدى مش ممكن أتوب
من غيرك يعفى ويمحى ذنوب .. مين غيرك ياربى يداوى قلوب
ايوه ياربى مبهونش عليك .. وسط الموج شيفانى عنيك
تسمع صوتى وصراخى اليك .. بحنانك تمد وتمسكنى إيديك
سامحنى يا ربى ايوه انا خاطى .. ارحمنى وخلينى اخر اخواتى
امسح دموعى وكل اهاتى .. مليش غيرك ينجى حياتى
__________
كلمات / عــــماد حســــنى