وكأنك مجروح من كله
مع انك برضه جرحت كتير
كام واحد كسبك فخسرته
كام واحد قواك وكسرته
أو سبته ف يوم من غير تفكير
كام واحد حبك ونسيته
كام ذكري قتلتها ف امبارح ؟!
بما انك بني أدم يعني
فطبيعي ان انت تكون جارح
والعادي تكون مره ضحيه
وكذلك مره تكون جاني
كل اللي عملته ف حد زمان
هيخلصه يوم واحد تاني
موزونه الدنيا علي الشعره
ومكاسبك قدامها خساير
كل اللي عملته هيحصلك
والكاس علي كل الناس داير !
كلمات الشاعر/ مينا مجدى