الفرق بين الصاحب والصديق
يعني واحد بيحبك لذاتك .والتاني بالعيوب يمليك
صاحب عشان مصلحته يصاحبك
والصديق وقت الشدة بيدور عليك
يعني ينصرك وانت ظالم
ويقف وقت الظلم قدام اعاديك
واما تبقي مهموم
يجري يقولك ..استني ايه فيك
يعني يصلح من عيوبك
ويبقي ستر من ربنا يكفيك
يعني مرايا بتظهر ذاتك
وقدام الناس بيداري عليك
يعني ميسكتش علي اهانتك
وف غيابك بيشيد بيك
يعني الدنيا بتجري تشدك
وهو عن الخير عمره ما يلهيك
يعني يشوف الشهوة بتاخدك
وهو الوحيد اللي يمسك فيك
يعني بيحارب عنك كل شر
ومن صعوبات الدنيا يحميك
اشكر ربك عليه
لانه عمره في يوم ما فرط فيك