لعنتك طايلانى برضايا وبكيفك
.. تهبر , تأكل , تشبع , تسمن ويكبر كرش معاليك !!
واحنا من كتر الحاجة والعوز , بقينا سخرة فى ايدك.
.. يالاغى منى التفكير والسؤال ,وكاسرنى بعينك
ومخلى العيشة فيك بكلمة من سلاطينك
.. واحنا وجودنا فتبعيتك , تقول يارب واحنا نقول آمين !!
ياترى يانظام انت اللى مسلطن , ولا باشواتك هما اللى جارينك.
.. يامركز ولاعب بان خلاصى فى ايدك
يا واهمنى بان رغيفى وكرامتى فى وجودك
.. رابطنى ودايس على الوتر الحساس , ومشوفنى بعينك !!
بس الغلط غلطى يانظام , مانا اللى صنعت بايدى فراعينك.
ملعون لو عندى , وملعون لو عندك