[Magdy Monir]

من طرائف القديس البابا كيرلس

كان قداسة البابا كيرلس السادس يستعمل عصا رعاية ،
مصنوعة من الخشب المطلى باللون الأسود رغم أنه كان يقدر أن يحمل عصا من الأبنوس مثلا" .
ويقول السيد أنطونيوس ( بالاسكندرية ) .. أن قداسة البابا أعطاه العصا ليعيد طلائها ، فأخذها وأبقاها فى منزله حوالى أسبوع وكان يضعها فى كل حجرة مدة تزيد عن يوم بقصد التبرك.
ثم أعطاها لصاحب ورشة دوكو اسمه (أحمد ونه) بالأزاريطه بالأسكندرية .. وقد ماطل أحمد فى تسليم العصا ..
وكلما طالبه بالعصا كان أحمد يجمع أصحاب المحلات بالمنطقه ليرجونه فى ترك العصا وكانوا يقولون:"العصا دى مبروكة وحصل منها حاجات كثيرة"
أخيرا تسلّم أنطونيوس العصا بعد أن رفض السيد أحمد أخذ أتعابه قائلاً:"كفاية بركات ربنا اللى أخدتها بسبب العصا دى".
وعند إعادة العصا لقداسة البابا كيرلس قال للسيد أنطونيوس:"طيب الراجل الغريب معذور وإنت يا خويا بتلففها البيت بتاعك كله ليه....بس إنت نسيت المطبخ !!"