+محتاج لايدك ياربي تغير فيا كتير
اخلق من تاني قلبي اللي عايش ضرير
محتاج اني اشوفك بس بعين الايمان
ازرع جوايا خوفك واقلع زرع الشيطان
+محتاج اني اكون اعمي عن الخطايا
وابكي بدمع العيون واكيد هو دوايا
محتاج اني اشوفك بس بعين الايمان
ازرع جوايا خوفك واقلع زرع الشيطان
+محتاج انك تحطم جبال المستحيل
زي ماكان جبل المقطم علي الايمان دليل
محتاج اني اشوفك بس بعين الايمان
ازرع جوايا خوفك واقلع زرع الشيطان