[Magdy Monir]

أدخل إلى مائدة سيدك










الأن وبعد صوم شهرين إلا شوية
وعايز كل واحد يحلل دم بس فى سرية
هايلاقى فصيلة الدم بقت زيت قلية
فبعد عذاب طويل مع الفول والطعمية
ومشوار شاق مع البطاطس شيبسى أو صينية
وعشرة طويلة مع عم كشرى أبو الأنسة تقلية
والأن هنيئاً لكم بالفراخ المحمرة أو المشوية
وكمان الأرانب بالملوخية
والبشاميل بالمفروم فى أحلى صينية
والكباب والكفتة على السيخ متسوية
والخروف المشوى أبو لية
وماأقولكش بقى على الفتة والتسقية
ولا صوانى الرقاق بشوربة بطة عتقية
وبعدين نحلى بالكعك والبيتيفور وكمان مهلبية
بس المفروض مع كل الأصناف دية
ماننساش الأيتام زى ماناكل ياكل هو وكمان هي
ونفرح قلبهم بكلمة حلوة وعطف وحنية
ده أهم حاجة قبل اللعبة والعيدية
وزى ما السيد المسيح قال ليك وليا
ما فعلتموه بهؤلاء الأصاغر فقد فعلتموه بيا
كل سنة وانت طيب يامسيحى أنت وهى


أخوكم