[Mary Naeem]

عشان ابنك يقدر يكون أصدقاء؛ علميه:

- إزاي يقدم نفسه - إزاي يعرض المساعدة - إزاي يسمح بالمشاركة - يسأل على صاحبة لما يغيب - يرحب بأصحابه في بيته - يستنى دوره - الروح الرياضية - يدافع عن حقه بأدب وقوة

وأسهل طريقة تعلميه كل ده هو إنك تعملي الكلام ده قدامه. وإنك تدربيه على المواقف تدريب عملي بإنكم تتخيلوا موقف، وتمثلوه.

الطفل اللي عنده أصدقاء؛طفل سعيد، واثق في نفسه، وبيتعلم كتير، وبيلقط حاجات كتير برضه

والطفل اللي ما عندوش أصدقاء ممكن يكون مش عارف يكون أصدقاء وممكن برضه يكون لسة ما لقاش الصديق اللي يستمتع بصحبته. عشان كده ما علينا غير إننا نعلمهم المهارة ونوفر المناخ المناسب وبعد كده نسيبهم يختاروا أصدقاءهم بنفسهم. ممكن يغلطوا، لكن أكيد هيتعلموا