[Mary Naeem]

[" رســـمتها "]




شوفتها في خيالي مرة رسمتها



رسمت ضحكة وعيون جميلة بتقول إني وحشتها



ورسمت أجمل نظرة في الكون شوفتها



مش عارف أنطق من جمالها وسحرها



كل ما أشوفها أحس أن حبي ليها بيشدها



خايف أقرب أطلع مرة مش قدها






بعدت عنها .. ومشيت خلاص وسبتها



بصيت ورايا لقيت عينيها بتقولي إرجع إشتقتلها



لكن مشيت وقولت خلاص مش هرجعلها



غصب عني لقيت عينيا خايفه و . . . مدمعه



أصل الحكاية ومن البداية إنها



صورة شافها قلبي وبخيالي رسمتها



مبقتش عارف هشوفها حقيقي وأقولها



ولا هعيش عمري اللي جاي علي رسمها