ساعات كتير بنتغش،
من الوش.
يضحلك ويراعيك،
ومن وراء عقرب يقرص فيك.
ومرات يزعلك حد ويبكيك،
بس عشان خايف عليك.
ومرات الناس بيكونوا شياطين
بكل الوان الحيات متلونين.
وفيه ناس ولو قليلين،
زى الملايكة والقديسين.
ودول ببركتهم احنا عايشين.
متحكمش يا صاحبى بالمظاهر،
ياما ناس فى الدنيا بتتراءى وتتظاهر.
خلى روح الله هو يقودك،
وبالعقل والايمان يتشدد عودك.
وتعرف العدو من الصديق.
وقت الشدة أو وقت الضيق.