الولد: بحبك ( يا بااااااي )
البنت: وانا كمان ( داهيه تاخدك )
الولد: من اخر مره وانا بافكر فيكي ( يارب تغوري من وشي )
... ...
البنت: يا حبيبي وانا كمان ما بطلتش تفكير فيك ( اللهي اصحي الصبح الاقيك متنيل بعيد عني
الولد: امال فين حماتي مش شايفها يعني ( الحربايه الكبيره )
البنت : موجوده اندهها لك ( علشان تسم بدنك )
الولد: اه طبعا يا حبيبتي وانا اقدر استغني ( يارب تتكعبل في السجاده وهي جايه )
البنت: ماما تعالي كلمي ( علي الله تقولك حاجه ترفع لك الضغط )
الولد: اهلا يا حماتي ازيك ( اللهي ما تكوني بخير )
حماتة: اهلا يا خطيب بنتي ( بلا نيله )
الولد: عندي ليكو خبر حلو انا لقيت شقه ( الهي ما توعوا انتي وبنتك تشوفوها )
حماتة: الف مبروك يا حبيبي ( ياما جاب الغراب لامه )
الولد: حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )
البنت: وماله طبعا لازم نشوفها ( اكيد قد الحق وفي منطقه معفنه )
الولد : علي فكره يا حماتي ( جتك حمه )
حماتة: ايه يا خطيب بنتي ( خطيب الشوم والندامه )
الولد: انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )
حماتة: وماله يابني بس مش لسه بدري ( جتك نيله مستعجل علي ايه )
الولد: ما هو خلاص يا حماتي احنا قربنا ( يا ريت ترفض علشان افركش ام الجوازه دي )
حماتة: طيب يابني لما يجي عمك حاقوله ( جتك نيله علشان نستريح من زيارتك الغلسه )
الولد: طيب يا حماتي انا حامشي دلوقتي ( افففففف انا اتخنقت من الوليه دي )
حماتة: ماهو لسه بدري ( في ستين داهيه )
الولد: باي يا حبيبتي ( حبك برص )
البنت : مع السلامه يا حبيبي ( البلد اللي تودي )
الولد: كلميني في التليفون ( يا رب يقطعوا الحراره )
البنت: اكيد يا حبيبي ( غور بقي