أحيانًا… ما مننتبه لقيمة وجود بعض الأشخاص بيناتنا إلا لما يختفوا فجأة.
مو لأنو غيابهم طويل… ولا لأنو ما عاد في حدا ياخد دورهم،
بل لأنو في ناس وجودهم مو منصب… بل روح.
في ناس إذا حضروا… بيمشّي المكان
وإذا غابوا… بتحسّ كل الزوايا ناقصة
وكل حركة بطيئة، وحتى الكلمات بتصير بلا نكهة…
وجود بعض الأشخاص بالمنتدى مو مجرد دخول وخروج…
هنّي النَفَس تبعو، ترتيبو،
اللمسة اللي بتجمع الناس حوالين بعض.
ويمكن ما نعرف ليش غابوا… ظرف؟ تعب؟ مشكلة صغيرة؟
بس اللي منعرفه… إنو مكانهم لسه فاضي…
ونحنا لسه ناطرين يمرّوا،
حتى لو بكلمة… أو زيارة… أو إشارة صغيرة إنو هنّي بخير.
أحياناً الغياب رسالة…
بس أحياناً الرجعة أعمق من ألف رسالة.
واللي بيرجع… مو بس بيرجع لمكان،
بيرجع لناس بتحبه وتحترمه… واشتاقت لوجوده.
لهيك…
إذا في شخص عم يشوف هالكلمات… وبيعرف إنو هو المقصود:
رجعتك مو طلب…
رجعتك فرحة بتلمّ الكل.