ادينا يا رب نكون حقيقيين،
نعيش بصدق ونقاوة قلب في وسط عالم مليان تظاهر ورياء…
علّمنا يا رب ما نخافش من رأي الناس،
ولا نحاول نلبس أقنعة علشان نرضيهم،
لكن نعيش بشفافية قدامك وقدام أنفسنا.
خلّي فينا روح الصدق والمحبة،
نكون زي المراية اللي بتعكس نورك مش زيف الدنيا.
ادينا شجاعة نكون نفسنا، لا نزوّق الحق ولا نجمّل الباطل،
ونفتكر دايمًا إنك إنت اللى شايف القلوب مش المظاهر.
طهّر دواخلنا من حب الظهور،
واملانا بالبساطة والاتضاع،
علشان نكون شبهك يا يسوع،
اللى كان صادق في كل كلمة، وحقيقي في كل تصرف ..
abona_Bigol_nagy