عارف يا رب؟
عارف إن كل يوم بدور عليك في تفاصيل صغيرة
يمكن الناس ماتاخدش بالها منها!؟
في نسمة صبح.. في كلمة من حد عابر.
. في دمعة وقعت وأنا مش قادر أحدد ليه!
عارف إنّي من كتر الصلوات اللي قلتها،
ساعات بحس إني بكلم نفسي، وإن السما سكتة!؟
بس رغم ده كله.. بحبك!
بحبك من غير ما أشوفك..
ومن غير ما ترد عليّ وقت ما أنا متلخبط فيك!
كل يوم في ناس بتقولّي إنك قريب..
بس أنا ساعات بحس إنّي بدوّر عليك ومش بلاقيك!
بس مع كل ده، كل يوم بحارب نفسي علشان أتمسك بأي خيط..
ولو كان خيط ضعيف.. يوصلني ليك.
تعرف يا رب!؟
يمكن أنا مش دايمًا بلاقيك..
لكن قلبي متأكد إنك دايمًا بتدور عليّا ❤️