عزيزي_الله
إيه معنى "الحرية" عندك في زمن كله مراقبة؟
الكاميرات بتسجل خطواتنا في الشارع..
التطبيقات عارفة كل ضغطة على الموبايل..
والسوشيال ميديا محتفظ بتفاصيل حياتنا كأنها كتاب مفتوح..
بقعد أسأل نفسي:
هو لسه في حاجة اسمها خصوصية؟
هو أنا لسه أقدر أعيش حر؟
ولا خلاص اتقيدت من غير ما أخد بالي؟
بس وأنت بتكلمني عن الحرية..
مش بتكلمنى عن حرية "برا" قد ما بتتكلم عن حرية "جوا"..
حرية من الخوف..
حرية من الصورة اللي لازم أظهر بيها قدام الناس..
حرية من الإدمان اللي مسيطر على وقتي وأفكاري..
يمكن العالم كله بيراقبني..
بس اللي بيحررني بجد..إنك تكون ساكن فيا..
ساعتها حتى وأنا "مكشوف" للعالم..
بكون"مستور"بيك..