في ساعات بتتكلم كتير ومحدش فاهمك…
وساعات تانية بتسكت لأنك حاسس إن صوتك مش مسموع.
وتبدأ تصدّق فكرة إنك مش مسموع، وإن محدش مهتم.
لكن الكتاب بيقولنا:
"إلى الرب صرخت فاستجاب لي" (مزمور 120:1)
ربنا مش زي باقي الناس… مش بيسمعك كصوت وخلاص.
هو بيسمع قلبك قبل لسانك، وبيفهم الوجع اللي ورا كل كلمة.
مفيش همسة بتروح هدر، ولا دمعة بتعدي من غير ما يشوفها.
حتى الصرخة اللي جواك ومش قادر تنطقها… هي واصلة عنده.
إلهك حاضر، سامع، ومهتم…
وكل مرة تنده عليه، هتكتشف إن ودنه مفتوحة ليك من قبل ما تتكلم.
كل همسة بتوصل لودنه.