[walaa farouk]

اللي ليه ربنا كبير،
مهما ارتفع الموج حواليه،
ومهما السواحل بعدت والمسافة طالت…
عمره ما هيغرق. لأنه مش ماشي بقوته ولا بيعوم بمهارته،
ده مسنود بإيد الخالق اللي البحر والمطر والريح تحت أمره.
يمكن المية تدخل المركب وتخوفك، ويمكن الظلام يغطي الدنيا حواليك…
بس طول ما هو موجود في السفينة، هتعدي.
هو اللي يقدر يقول للموج “اسكت”، وللريح “اهدى”، والبحر يطيع.
اللي يعرف ربنا عن قرب، عارف إن حتى الغرق أضعف من محبته
، وإن أي ضيقة مش أكتر من جسر يوصل بيه لبر الأمان.
فمهما حصل، امسك فيه جامد، لأنك في حضنه…
والغرق مش ليك.