في أوقات كتير بنحس إننا تايهين...
بعيد عن ربنا، ضعاف، مش عارفين نرجع تاني.
بس الآية دي فيها صرخة جميلة من القلب:
"ضَلَلْتُ، كَشَاةٍ ضَالَّةٍ. اطْلُبْ عَبْدَكَ، لأَنِّي لَمْ أَنْسَ وَصَايَاكَ." (مز 119: 176).
اطلب عبدك يا رب، يعني يا رب أنا ضايع، بس إنتَ دور عليّ!
ما قالش "أنا كويس" ولا "أنا ما بغلطش"،
ده اعترف إنه ضل، لكنه برضه ماسك في وصايا ربنا...
ما نسيهاش، ولسه جواه شوق يرجع ويتحضن من تاني.
ربنا مش بيبعد عننا، حتى لو إحنا بعدنا عنه...
هو الراعي الصالح، اللي يسيب الـ ٩٩ خروف ويدوّر على الخروف اللي تايه.
لو إنتَ حاسس إنك بعيد... لو تايه في زحمة الدنيا أو غلطت وندمت،
قول له ببساطة: "يا رب، اطلب عبدك"...
وهتشوف قد إيه هو بيحبك وعايزك ترجع🙏💜
إنتَ ما نسيتش وصاياه، وهو كمان عمره ما نسيك..