عزيزي الله،
كام مرة قلتلك: "قُد إنت دفة حياتي"،
وكانت مجرد عزومة مراكبية؟
كام مرة وقفت أصلي وأسلمك كل أموري،
وأنا في الحقيقة متخيّل إني بقدملك تضحية كبيرة؟
كنت فاكر إني لما أتنازل عن خطتي… بعمل فيك جميلة!
أنا آسف…
لأني حطيتك في دور "الاستشاري"، مش السيّد.
لأني طلبت منك تمشي معايا بس، بدل ما أمشي وراك.
لأني اديتك دفة المركب…
بس فضلت ماسك الدراع التاني في سري!
من النهارده،
مش هقولك "اتفضل" بس وأنا شايفك ضيف،
لكن هسيبلك المركب… وأقعد في مكاني.
عارف إنك السيّد، ومكانك هو القيادة…
وأنا؟
أنا أخيرًا مطمّن إني مش في إيدي. 🙏