[walaa farouk]

موسى ده محطات من السقوط و القيام ☝️👇
هو ماجاش من بؤره مُحاطه بالفساد قام بص لقى نفسه
بى جورى في الإيمان ... إطلاقاً 😉

موسى بطنه وجعته والجوع قرصه لما بص لقى نفسه مضطر يقلل ال٥٠ رغيف
اللى بياكولهم يومياً عشان حياة الأديرة مش هتقدر تكفل ليه حاجه بالحجم ده ✋

موسى فكر مرات و مرات فى التراجع
وقال إنه مش هايكمل لما شهوته القديمة
واشتياقه ليها ضغط عليه .. اه صدقنى ✋

موسى لو كانوا طردوه فى السنين الاولى من حياته معاهم فى البرارى
زى ما عملوا معاه بعد كده وقت ترشيحة للكهنوت
كان يمكن أو شبه اكيد كان لا يحتمل ده
ويمكن كان ثار وهاج وقتل اتنين تلاته منهم ربط كلام كده 🤌

موسى كان بيعدى بوقت أفكاره بتبهدله حرفياً ..
وبيفضل فى مطاردات وكر وفر جوه قلاية ضيقة متر فى متر الهروب منها
بيخليه انسان مُمل لأنه بيخبط عشرات المرات على قلاية راجل كبير فى السن
زى الانبا ايسيذوروس يحتمى فيه .. موسى الهجَّام نفسه
ماكنتش تسمحله يحتمى ورا راجل عجوز زى الانبا ايسيذوروس..
ده كان شايف نفسه زياده 🫡

موسى كتير كان بيحس أن مافيش فايده .. ومافيش أمل ..
وأنه مش هينجح فى الوصول .. وان طباعه هتفضل غالبه عليه .
. وياما الشيطان وشوشه وقاله الطبع يغلب التطبع يا موسى 😏

موسى لو كان اتحط فى وضع هيحاكم فيه حد من اخواته
وهو فى بداية مشواره يمكن كان جرى وخد فى أيده سيف ..
هى دى اللغه اللى يعرفها ... ولا كان هياخد شوال رمل ولا حاجه ..
ده الكلام اللى لا يودى ولا يجيب ( البلطجه 😉 ) كانت شُغلانته الاساسيه 🫣

موسى صبر على نفسه .. والأهم من كده أن فى ناس صبرت عليه .
. من مقادير تكوين موسى الصبر والمثابرة ..
الاستعجال فى الحياة الروحية مايعملش موسى ☝️ ♥️

لو انت مش عارف موسى بى جورى ليه ؟ 🙂🤌
موسى بى جورى بسبب كم الإنهزامات اللى فاتت دى ☝️
موسى بى جورى بسبب ضعفه 🙂
هو بالرغم من أن ضعفه مش سهل كده إلا أنه ماسلمش الرايه ومن هنا بقى القوى .
. كم ضعف موسى أظهر قوة المسيح
اللى مابتكملش الا فى مناطق الضعف الجامده دى 😍

وجود_موسى_فى_تاريخ_الكنيسة_
يُثبت_أن_لسه_فى_أمل_فى_اللى_زي❤️