[walaa farouk]

حضنك مش بس ملجأ… حضنك حياة.
هو المكان اللي بنلاقي فيه نفسنا،
وبنفتكر إحنا مين… وإنت مين!
حضنك هو سر القوة اللي جوانا،
هو اللي بيخلّي الخطوة ثابتة، والنفس مرفوعة
، والقلب فرحان حتى من غير أسباب أرضية.
لما الدنيا تمطر، بنجري نستخبى فيك
ولما الشمس تطلع، بنجري نحتفل معاك.
في حضنك يا رب،
القلب ما بيبقاش محتاج يثبت حاجة لأي حد
ولا يدافع عن نفسه
ولا يخاف من بكره
ولا يتعب من الناس
لإنه مطمئن في حضن اللي شايف، وفاهم، ومليان حب.
إنت الحضن اللي بيربي جوا أولادك ملامحك
سلامك، ومحبتك
"لأَنَّكَ كُنْتَ عَوْنًا لِي، وَبِظِلِّ جَنَاحَيْكَ أَبْتَهِجُ." (مز 63: 7).