[Jesus follower]

المشاركة الأصلية كتبت بواسطة mary naeem

إرضى بنعمة ربنا حتى لو مر

ـ بتعيط ليه؟
- تعبان ونفسى ارتاح 🥹
- مافيش حلاوه من غير نار
- بس انا مش قادر على النار ومش قادر اصبر على الحلاوه تعبت من المر 🥹
- مش هاتعرف طعم الحلو غير لما تجرب المر ..
- مش كفايه مر دانا حياتى كلها فى مر 😭
- تعالى معايا اوريك حاجه ..
شايف الراجل ده محطوط اليوم كله على اجهزة التنفس الطبيعى عشان عنده مرض خبيث فى الرئه ومش بيعرف يتنفس ..
شايف الست دى اللى لابسه اسود ابنها الوحيد جاله مرض وحش فى المخ واتوفى
طيب شايف العروسه الحلوه دى ، اللى واقفه بعيد دى حزينه وبتعيط ، جوزها اتوفى فى شهر العسل
شايف الراجل اللى بيجرى هناك ده زى المجنون وبيصرخ ده ابنه عيان ومش لاقيله مصاريف العلاج ..
قولتلى انت تعبان من ايه ؟ وعايش فى مر ازاى ؟؟
ياعزيزى المر اللى انت فيه شهد بالنسبه لغيرك
إرضى بنعمة ربنا حتى لو مر .

آمين .
اشكرك يارب يسوع المسيح
مشاركة جميلة جدا
شكراً
الرب يباركك