[Mary Naeem]

ماذا يريد الاقباط من الشيخ العظيم ابو اسلام



لا افهم ماذا يريد الاقباط من مولانا الشيخ ابو اسلام، فالرجل لم يحرق الانجيل العربى هو حرق بس الانجيل الانجليزى!! يطلع قبطى خبيث يقوللى ما الاتنين واحد، هو يعنى لو انا حرقت القرآن بالانجليزى المسلمين المصريين مش هايزعلوا؟!! فعلا قبطى خبيث اوى. لكن هاقوله ما الشيخ العظيم قال ان الانجيل اصلا محرف والموجود دلوقتى مش انجيل!! يرد عليه قبطى اخبث منه ويقوللى ما انا كمان هاقول ان القرآن اصلا مش من عند ربنا وانا مش مؤمن اصلا انه كتاب الهى و كمان ما عثمان بن عفان حرق مصاحف، الموجود دلوقتى انهى فيهم؟!! ارد عليه واقوله مين انت يا قبطى جنب علم الشيخ العلامة ابو اسلام حتى تقول هذا الكلام وكيف تجرؤ ان ترد على شيخنا العظيم الذى يعرف كل شىء و كل شىء بالبحث العلمى!!!!! يا قبطى انت نسيت نفسك؟! انت هنا فى مصر مواطن من اهل الذمة يعنى لازم تسكت و اوعى ترد!! هو الشيخ يقول كل اللى هو عايزه!! وكمان قال ايه عايزين النيابة تحبسه بتهمة ازدراء الاديان زى الاقباط اللى اتحبسوا!! انتم فعلا نسيتوا نفسكم عايزين تسووا بين المسلم والقبطى!! له فاكرين نفسكم فى بلد مواطنة ولا ايه!! ربنا يشفيكم!! ادعو من قلبى للشيخ الجليل ابو اسلام عندما اشاهده او اسمعه!!! اقول دائما "اللى بيته من ازاز ميغيرش هدومه فى الصالة"

جون جورج كيرلس