حد من الشباب كان بيكلمني وسط الكلام قالي جمله خطفت قلبي
( أنا معنديش مشكله ان اهلي يربوني لما اغلط بس احساس اني بهون عليهم ده اللي وجعني )
الجمله دي خطفت قلبي
هو اه مافيش أهالي بيهون عليها عيالها
بس الفكره عموما خطفت قلبي
عادي اننا نزعل ونرفض ومانقبلش ونعمل كل حاجه
بس ليه اللي قدامي يهون عليا
عارفين يعني ايه يهون عليا ؟
يعني انسي انهم ولادي واعمل كل حاجه تتعبهم بحجه اني بربيهم
انسي انه صاحبي واعمل كل طريقه تجرحه علشان غلط مره معايا
انسي كل حاجه حلوه علشان غلطه
الشاب وهو بيقولي مش مهم يزعقولي
بس اني اهون عليهم ويعملوا كذا وكذا ده الصعب
عارفين مهما حصل بلاش تعمل حاجه توصل بيها
مشاعر لحد انه هان عليك كده
العشره ماتهونش
الصداقه ماتهونش
الإخوه ماتهونش
الابوه والامومه ماتهونش
الحب مايهونش
حاجات كتير اوي ماتهونش
اعمل كل حقوقك بس من غير ما تعمل حاجه
تخلي اللي قدامك يحس انه هان عليك
علشان كده ربنا مهما عملت مش بهون عليه
كاس مايه بارد مش بينساه
ابونا جوناثان رفعت