في ناس وصلت لمرحله ان قبل ما تعمل وصايا ربنا عن المحبه والاحترام وكل حاجه كويسه
تفكر مليون مره هو لو عملت الكويس ده اللي قدامي هايشوفه ضعف ولا هايشوفه احتياج ولا هايشوفه فعلا ان القلب فعلا بيحاول يبقي حلو وشبه قلب ربنا ؟
فيبقي قدامك قرارين
يا تقول لا مش هاعمل ومش هاقل من نفسي
يا تقول لا هاعمل ويبقي روح الله مرتاح فيا
عاوز اقولك القرار التاني هو الصح
انك تعمل وروح الله يرتاح فيك حتي لو ردود الأفعال خذلتك
سيب اللي يفكر يفكر
خلي دايما انك تفكر ان جواك مرتاح مع ربنا ده الأهم
اه هاتبقي موجوع جدا
ومجروح جدا
ومستغرب جدا
لكن هاتقف تصلي وانت خفيف
هاتخدم وانت خفيف
هاتعيش معندكش حمل غير حمل واحد بس
لي اشتهاء ان انطلق واكون مع المسيح فذاك افضل جدااااا
ابونا جوناثان رفعت