[walaa farouk]

وفجأة ..
يحدث أمر عجيب،
مالوش تفسير،
ولا ليه مقدّمات.

مش بسبب مجهودك،
ولا دعواتك الكتير،
ولا حتى لأنك كنت مستني.

بس لأنه ببساطة ..
“حان وقت تدخل الله.”

اللحظة اللي كل حاجة فيها تتقلب،
مش بالمنطق،
ولا بالحسابات،
لكن بالنعمة.

تلاقي باب اتفتح
من حتة ما كنتش تتخيل إن فيها باب أصلاً.
تلاقي قلبك بيرتاح
من وجع قعد سنين جواك.
تلاقي الفرح بيزورك
في عز اللحظة اللي كنت فاكرها النهاية.

ربنا بييجي فجأة..
بس مش عشوائي.
بييجي لما الوقت يبقى صح،
والقلب جاهز،
والدرس خلص.

ساعتها،
كل اللي تقدر تقوله:
“هو ده ربنا.. مفيش تفسير تاني!”

فلو طولت في الصبر،
صدق إن اللحظة جاية،
اللحظة اللي هتقول فيها:
“كان مستني بس يدخل في الوقت بتاعه.. وفعلاً فرّحني.”