14 - 04 - 2025, 10:15 AM
|
|
|
|
..::| الإدارة العامة |::..
|
|
|
|
|
|
ماينفعش نتكلم عن الصليب، ومافيش كلمة “نعمة” وسط الكلام.
ودايمًت تلاقي في أي وعظة أو تأمل عن الصليب
، النعمة بتتقال كأنها لازمة… وكأن المعنى ناقص من غيرها.
وده مش صدفة، ولا مجرد تعبير لطيف.
لأن الصليب هو إعلان النعمة الأعظم
هو التمن المدفوع عشان النعمة تكون متاحة، ومشروعة، وحقيقية.
النعمة اللي بسببها اتبررنا، واتغسلنا
، واتفتح لينا الطريق للأبوة، والحياة، والمجد ☁️
بس كل ما نقرب أكتر من المشهد ده،
كل ما نكتشف إنها مش بس نعمة بتغير مصير…
دي نعمة بتغير القلب 💜
لولا النعمة، كان زمنّا ضايعين، كنا في أماكن تانية، بقلوب تانية،
باتجاهات تانية.
بس هي اللي سترتنا… هي اللي جابتنا، وهي اللي لسه مكمّلة بينا.
بس خلي بالك…
النعمة مش رخصة تغلط براحتك
النعمة مجانية… بس مش رخيصة.
النعمة بتطمنك، بس ما بتشلش رهبة حضور الله من قلبك
النعمة بتديك أمان، بس بتفضل تخلي في قلبك وقفة
، قدّام الإله اللي دفع التمن.
مفيش حاجة بتعزي القلب زي الصليب…
ومفيش حاجة بتغطيه بالرحمة زي النعمة ✨
فافتكر دايمًا: لولا النعمة… ماكنّاش بقينا هنا💜
وخلاص_اتصالحنا
|