12 - 03 - 2025, 08:29 PM
|
|
|
|
..::| الإدارة العامة |::..
|
|
|
|
|
|
أكيد في خطية في حياتك...
أكيد ربنا بيعاقبك..
أكيد إنت السبب في اللي بيحصل لك...
كام مرة سمعنا الجمل دي؟
كام مرة صدقناها وإحنا في أضعف لحظاتنا؟😪
المشكلة مش في الألم نفسه،
المشكلة في الأفكار اللي بتزود الوجع
، في الصورة المشوهة اللي رسمناها عن الله،
وخلتنا نحوله من الآب الحنون للقاضي القاسي
اللي مستني أي غلطة عشان يعاقبنا!😶
مش كل ألم عقاب.
مش كل تجربة سببها خطية.
مش كل وجع معناه إنك غلطت وربنا بيأدبك.
الحقيقة؟ الله مش ضدك، الله معاك في الوجع،
في الحيرة، في المرض، في الانكسار👌
فيه ألم بييجي علشان يشكلنا، وفيه ألم سببه قراراتنا
، وفيه ألم ببساطة لأنه إحنا في عالم ساقط مليان وجع.
لكن في كل ده، ربنا مش بيعاقب،
ربنا بيمشي جنبك، بيحمل معاك، بيحس بيك🫂
لما تلاقي حد بيتألم، ما تقعدش تفسّر له ألمه
، ما توعظوش عن التوبة، ما تحاولش تقنعه إن المشكلة فيه!
احتضنه، اسمعه، ابكي معاه.
لأن الإله اللي بندّعي إننا بنمثله، هو أول واحد وقف قدام القبر وبكى🙏
|